首都打吡罗马大反击

落后拉素2粒次回合焗攻 意大利盃4强次回合上演「首都打吡」，罗马主场对拉素，首回合拉赢2比0，兼打破之前连续4次打吡战输波嘅宿命，信心返晒嚟。罗马为收复失地，必须尽快入波，应会抢攻，豁出去一搏。加上双方射手迪斯高、恩莫比尼大勇，预料会有激斗，中位数2.5/3球照捧入球大。 （周三凌晨2时45分开赛） 罗马已经喺欧霸盃出局，联赛亦难以超前祖云达斯，今季最大捧盃希望得番意大利盃，肯定全力出击，而且对手仲係同市死敌拉素，罗马更加唔会退让。唔讲唔知，罗马原来係意盃史上入决赛次数最多嘅球队，达到17次，绝对唔可以排除今仗反胜嘅可能性。 迪斯高恩莫比尼斗数胡 事实上，罗马攻力强横，前锋迪斯高上仗意甲梅开二度，佢今季联赛已轰入23球，连埋盃赛总共射入33球，成为罗马史上单季入波最多嘅球员，非常犀利。不过，防中迪罗斯早前为意大利踢国际赛时受伤，佢缺阵之下，削弱中场拦截力。同埋罗马近6场主场有5场有失波，恐怕今场难保持清白之身。 拉素勇态持续，近10场比赛取得8胜2和，包括意盃8强作客以2比1击败国际米兰。拉素前锋恩莫比尼脚风非常顺，除咗联赛已有18球进帐之外，今届意盃3战亦入2球，其中4强首回合对罗马，攻入1球。恩莫比尼早前为意大利踢世界盃外围赛对阿尔巴尼亚，都顶入靓波，勒都勒唔住。罗马焗攻之下，防线应会出现更多空位，让恩莫比尼有机可乘，有利製造大比数赛果。