祖记唔赦拿玻里

大把在手受让坚笋 意大利盃今晚续演4强次回合赛事，由拿玻里主场迎战祖云达斯。首回合领先3比1嘅祖云达斯，今仗只要唔输多过1球就可以进身决赛，两队数日前先喺同一地点相遇，当时打成1比1平手。祖云达斯近7仗作客都未输过，今晚再对拿玻里有望全身而退，阿King推介祖云达斯让球客胜。 （周四凌晨2时45分开赛） 首回合祖记凭射手保罗戴巴拿梅开二度，主场赢拿玻里3比1，呢位阿根廷前锋喺周日晚联赛对拿玻里只列后备，摆明留力今晚搏杀。虽然祖云达斯作客较为保守，而且意盃会派部分副选上阵，但前线主力希古恩同文迪苏杰近况都唔差，相信主帅阿里基会尽遣3人上阵，务求尽快取得入球，粉碎拿玻里嘅晋级意欲。 拿玻里喺意大利盃同样锺意用副选球员，后防更由两位老将，34岁嘅门将连拿同31岁嘅中坚艾比奥尔领军，稳健程度令人担心。拿玻里近期表现亦反覆，近7仗只得3胜1和3负，当中主场更曾不敌中游球队阿特兰大，可见佢哋去到季尾状态未能保持，今仗面对「大把喺手」嘅祖云达斯，就算有荷西卡利祖、恩斯治尼同米利克在阵，都未必轻易攞到入球，祖记有得受让咁笋，推介让球客胜。 阿夫朗甚「大」难临头 另外讲多两场法足盃8强，法甲排第6嘅波尔多虽然近两场作客输晒，但对手分别係前列嘅尼斯同摩纳哥，今仗对手只係排12嘅昂热，平手盘捧客军波尔多。（TVB 302周四凌晨零时30分直播）而法丙球队阿夫朗甚实力同巴黎圣日耳门差一条街，随时上演大屠杀，入球大细中位数3.5球都照捧大盘。 （TVB 303周四凌晨3时05分直播）