拿玻里大盘趁祖买

仇家见面去到尽 今晚意甲上演重头戏，第3位拿玻里主场大战榜首祖云达斯，拿玻里落后祖记10分，如果今场赢唔到，基本上唔使旨意争标，肯定豁出去一搏。祖云达斯两位射手希古恩、文迪苏杰早前获国家队提早放人归队，摆明搏杀，两军剑拔弩张，中位数2.5球嘅入球大，有2倍抵玩。 （TVB 302周一凌晨2时45分直播） 无可否认，双方近年碰头，拿玻里处于劣势，过去6次斗祖记，输咗5次，仅赢得1次，但要留意其中4场败仗係作客，包括3月初意大盃4强首回合输1比3。不过，睇番拿玻里近6次主场对祖云达斯，获得3胜2和1负，并唔输蚀。成绩之所以有咁大差别，皆因拿玻里传统上属于意国南方足球icon，当地球迷对北方代表祖记特别敌视，所以拿玻里喺自己地头出击，绝对唔衰得，届时应该会主动抢攻。 事实上，拿玻里係今季意甲攻力最强球队，29场联赛轰入68球，比「斑马兵团」多9球，其中梅顿斯、恩斯治尼、咸锡加埋就贡献咗42球，可见呢个进攻「铁三角」绝对唔嘢小。 祖记双箭蓄锐搏杀 祖云达斯方面，前锋希古恩上场世界盃外围赛停赛，令佢可以提早归队，呢位阿根廷射手2次倒戈斗拿玻里，都取得入球，证明佢对旧主，完全唔客气。拍档文迪苏杰亦获克罗地亚体谅，唔使踢上场热身赛，两人有充裕时间休息，唔怕同主队驳火。两队近6次对垒，有5次总入球係3球或以上，有望再演入球骚。