客战猪头骨唔易啃 车路士大盘尼料

英超进入最后冲刺阶段，车路士周中快车击败强敌曼城，榜首优势维持7分，但由于次席嘅热刺紧缠唔放，车仔今晚作客般尼茅夫不容有失。般尼茅夫係下游球队中攻力最强球队，即使对住强队踢法都绝不龟缩，斗攻格局下，乐比今场撑中位数2.5球嘅1.72倍入球大。 （Now 621及LeSports HK应用程式周日凌晨零时30分直播） 虽然车仔目前优势尚算明显，问题在于下周要作客「红魔鬼」曼联，存在失分机会，另一边厢最大竞争对手热刺则连续两场主场出战，若今仗有所差池，将会令距离缩窄，领队干地盘算过，自然知道今场要搏命，即使周中快车刚砌完曼城，今场毫无疑问会以最强阵容出战，右翼衞域陀摩西斯有机会伤愈复出。 般尼茅夫遇强照抢攻 不过般尼茅夫一向唔易啃，周中利物浦已经中招，主场畀般尼茅夫逼和2比2。事实上般尼茅夫之前对强队不乏佳作，其馀3队Big 6热刺、阿仙奴及曼联都曾经喺般尼茅夫身上失分，而且经过早前沉沦后，般尼茅夫已经连续5仗不败全面回勇，所以车仔今场亦唔係话赢硬，客Ｗ得1.48倍嚟睇真係一啲都唔抵玩。 幸好般尼茅夫风格明显，就係唔会死守，一味同对手斗攻，今季曾出现多场经典战役，例如主场赢利物浦4比3，和阿仙奴3比3同埋大胜侯城6比1都令人津津乐道，单计入球数字，般尼茅夫今季联赛已攻入44球排第7，仲叻仔过曼联，以一支中游球队嚟讲真係非常出色。 睇番两队今季都係较旺大盘，车路士开出大盘比率为66.7%，而般尼茅夫亦有58%，首循环车路士主场轻取般尼茅夫3比0，都有3球进帐，所以今场不妨再向中位数2.5球嘅大盘埋手。