红鑽抢W争榜首

主场恶到晕 势挫上海SP 周二晚亚冠盃第4轮分组赛爆发两场中、日大战，其中F组浦和红鑽将于主场迎战分组赛3战全胜嘅上海SP。红鑽今仗赢波便可追至与对手同分，以佢哋今季喺各项赛事4次主场出击全胜兼轰入19球嘅气势，加上近4次迎战中超球队取得3胜1和嘅对赛优势，有力打破对手今届不败身，1.8倍主W捧得过。 （Now 671及Fox Sports Play周二晚6时30分直播） 浦和红鑽上轮作客上海SP输2比3，现以3分落后上海SP，不过今仗红鑽只要赢波便可追至与对手同分，争夺首名出线仲有价讲。红鑽上仗联赛以7比0大炒仙台维加泰，连同联赛及亚冠盃在内，今季4次喺主场出战全部赢晒，而且4仗共入19球，每仗至少入3球，进攻火力惊人。红鑽近年喺亚冠盃主场对中超球队特别有计，对上4次主场出击取得3胜1和，包括两次击败中超擂台趸广州恒大，表现充满说服力。相反上海SP作客表现唔算太稳定，虽然佢哋今届分组赛赢过南韩代表FC首尔，不过上海SP喺上届亚冠盃踢咗5仗作客输4仗，今次面对主场威力十足嘅红鑽唔太乐观。 江苏斗飞脚大盘好路 至于另一仗中日对决，FC江苏会喺H组主场迎战大坂飞脚。FC江苏同上海SP一样分组赛3战全胜，暂以9分于H组领导群雄。FC江苏阵中嘅巴西前锋阿历士泰斯拿同拉美利斯，喺今届亚冠盃赛事已各入2球，质素超晒班。飞脚目前喺H组只排第3，想保持出线希望一定要抢攻，不过佢哋近7仗比赛只有1仗冇失波，防线唔算太稳健，今场捧中位数2.5球嘅大盘更好路。 （Now 670及Fox Sports Play周二晚7时35分直播）