水手6战场场失波未赢过
周五有场澳职独脚戏，西悉尼流浪者主场迎战中岸水手。积分榜包尾嘅中岸水手开咧至今1胜难求，表现曳到爆，相反西悉尼流浪者虽排尾三，不过主场出击斗心十足，主胜咪错过。
（Now 639、有线615及655台周五下午4时50分直播）
中岸水手除左喺季前大搞噱头，请嚟「百米飞人」保特试脚之外，其实仲揾左曾经喺13/14年度球季、带领布里斯班狮吼抢得双料冠军嘅教头麦克莫维执教。虽然来头唔细，不过呢位主帅似乎仲未帮到球队揾出赢波方程式。新一季水手表现低迷，而且愈踢愈沉，开咧6战2和4负，在积分榜排名垫底。尤其水手后防甩漏问题严重，6仗场场都有失波，加上两位前场主力哥利加美路同汤马士奥亚因伤倦勤，令进攻火力大减，目前球队前后都冇货交，今场作客更唔乐观。
西流珍惜主场冧粉丝
另一边厢，西悉尼流浪者虽然联赛只系赢过1场，不过当中有4仗都系作客，另外仲有1场移师中立场进行，严格嚟讲，西悉尼开咧至今只喺自己地头踢过1场比赛，所以今次返回主场出战，加上得到球迷撑场下，士气同战意肯定有保证，面对联赛惨吞4连败嘅中岸水手，相信主帅巴布有能力带领流浪者走出上轮输波嘅阴影，1.5倍主胜值得捧场。
