两王牌伤愈许胜不许和
今晚续演欧联第5轮分组赛，重头戏有「死亡C组」巴黎圣日耳门（PSG）主场迎战「红军」利物浦。呢组4队仲有机会争出线，现时排第3嘅PSG如果想攞番出线主动权，今场一定要喺红军身上全取3分，早前喺国际赛受伤嘅两大王牌尼马、基利安麦巴比据报已康复，有望复出攻坚，PSG让平半，波童捧上盘。
（香港开电视77台、Now 643、有线662及602台周四凌晨4时直播）
C组2个出线席位赛前原本以为只系拿玻里、PSG及利物浦3大名牌之争，估唔到经过4轮分组赛，来自塞尔维亚嘅贝尔格莱德红星都有4分，只比同得6分嘅拿玻里与利物浦少2分，PSG就以5分排第3，除非拿玻里、利物浦今轮齐齐赢波提早晋级，否则4队将要斗到最后一轮，才可决定出线席位谁属。
PSG今场输波有可能提早出局，就算和波亦唔乐观，事关佢的落后红军1分，无论另一场拿玻里对红星踢成羊比数，PSG都肯定唔会以小组前2名迎接最后一轮赛事，想出线好大可能要睇人面色，所以今场3分可谓志在必得。早前踢国际赛受伤嘅尼马及基利安麦巴比上场联赛都冇上阵，不过据报两人周一已复操，好大机会赶及复出；卡云尼上场单天保尊射入靓波助球队1比0击败图卢兹，状态亦弗，PSG为攞3分一定出尽法宝强攻红军。
利物浦文尼染病锋力降
利物浦上场分组赛淨吞红星2蛋，今届2场作客输晒兼冇入波，发挥明显打折扣，而且佢的今季喺英超先后喺曼城、车路士及阿仙奴身上失分，英联盃亦被车仔踢出局，对强队往往被比下去。上次两军交锋，利物浦喺晏菲路亦要苦战至补时才由罗拔图法明奴绝杀险胜3比2，实力上冇明显优势，加上前锋沙迪奥文尼赛前染病，上阵成疑，恐对红军嘅反击战术有一定影响，PSG今场让平半，波童建议捧上盘。
