周日好波连场，我阿King又有极笋贴士醒大家。墨尔本城近期频频开大，近3仗都开3球或以上，加上过往球队对亲中岸水手都演大骚，近6次交手全开3球或以上，呢场中位数2.5球入球大值得追捧，加上皇家苏斯达对马拉加，同贝迪斯对马德里体育会2场同样有机会开大嘅西甲大战，3串1有4.88倍博得过。
讲到墨尔本城，唔可以唔提卡希尔，呢位澳洲前锋为左争取更多上阵时间，早前就同墨尔本城终止左合约，卡希尔38岁仲咁搏，无非都系想另谋高就，为嚟紧踢世界盃决赛周做足准备，作为澳洲国家队今届世盃外围赛征途至关重要嘅球员之一，卡希尔喺联赛反而鲜有机会上阵，皆因墨尔本城前场有唔少当打球员坐稳正选位置，包括至今攻入6球嘅罗斯麦哥马克，足见佢的前线火力有保证。
皇苏贝迪斯主场旺大
不过，墨城近5仗联赛场场都有失波，上仗击败强敌纽卡素喷射机虽然一洗颓风，不过球队防守疲弱嘅问题依旧，呢场主力后卫文尼梅斯卡特仲要停赛，后防唔稳都系以攻代守好过，何况墨城过往6次对中岸水手都开大，呢场中位数2.5球嘅入球大捧得过。
（无綫myTV SUPER302台周日下午4时直播）
另外两场西甲大战，皇家苏斯达近5仗主场全开3球或以上，呢场面对作客表现曳爆嘅马拉加随时丧攻再开大。（Now 632周日晚7时直播）同样旺大嘅仲有贝迪斯主场硬撼马德里体育会，贝迪斯主场近8仗7次开3球或以上，面对上仗作客联赛慨赠对手5蛋嘅马体会，中位数2.5球再开大绝对唔出奇。
（Now 632周日晚11时15分直播）
