誓保主场全胜金身
本周德甲压轴戏，慕逊加柏主场迎战尾三史特加，两军实力悬殊，慕逊加柏上轮作客不敌实力相当嘅RB莱比锡，反而会激起佢的斗心，誓保今季主场全胜纪录，以史特加嘅实力好难偷鸡，慕逊加柏让一球撑上盘。
（Now 670、Fox+周一凌晨1时直播）
慕逊加柏今季成绩比预期更好，除左因为唔需要分心欧洲赛事，亦因为买到把握能力极强嘅法国射手柏利亚，令佢的好多时喺拉锯嘅情况下往往都能够打破闷局，佢的今季喺德甲主场6战全胜共轰入18球，每仗最少都入到两球，火力强劲。除柏利亚外，前线仲有弗到漏油嘅杜根夏萨特孭重飞，今仗教练赫基打算畀伤愈后连场踢足嘅队长史甸度轮休，但正好畀机会另一锋将拉菲尔基达奴争取表现。以慕逊加柏嘅阵容深度，根本有条件兼顾欧洲赛，依家只系专注德甲，自然可以较长时期保持高水准。
史特加经过灾难开局后换帅，新帅韦恩薛亚上任后虽然赢过两场波，但对手只系纽伦堡同奥格斯堡呢啲下游球队，呢班波充斥太多过气国脚同质庸新人。
史特加地庄人脚恶唔出样
史特加高层亦明白到要开始为护级而付出，提出以破球会纪录嘅1,200万欧元借用费，希望多蒙特放翼锋积及拿臣嚟帮忙踢到季尾，可惜多蒙特教练法夫尔对呢位丹麦国脚仲重视过美国神童基斯甸普列锡，结果拒绝放人，而且远水难救近火，史特加只能以地庄人脚踢到歇冬，今仗连甚具效率嘅中场艾斯卡斯巴都停埋赛，相信几难抵挡慕逊加柏强攻。
