意甲今轮压轴战AC米兰于主场迎战拖连奴，拖连奴堪称AC嘅「私房菜」，近22次对碰AC保持不败，包括近5次喺圣西路球场出击，AC米兰获4胜1和压倒性佳绩，真系睇数据都知买边瓣，加埋今场有前锋希古恩停赛期满可复出，锋线实力增强，1.69倍主胜相当抵玩！
（Now 638、有线614及654台周一凌晨3时30分直播）
要数番拖连奴上次赢到AC米兰，已经系2001年11月嘅事，即系话足足17年之多，依家AC米兰正选门将基安卢基当拿隆马，当时只系一个两岁几嘅BB，你话几咁遥远，现任AC米兰主帅加度素当时亦有份踢呢场波。
希古恩刑满复出数胡
不过加度素今场唔使担心球队会重蹈覆辙，皆因阿根廷前锋希古恩两场波监期满，今仗可复任正选数胡，同柏德列古度尼双箭头攻坚，另一射手波连尼亦有喺上轮欧霸盃入波，配合苏索及基斯尔等进攻中场，AC火力完全唔需要担心。拖连奴作客之馀，上周中又要踢意大利盃，体力上相对输蚀，睇怕今场AC又可开餐食「拖罗」。
