MVP挂帅又有地利
美职季后赛总决赛一触即发！周日早上阿特兰大联坐镇主场，同波特兰伐木者争逐美职王者宝座，首次打入总决赛嘅阿特兰大联，最煞食嘅除左有弗爆射手祖斯夫马天尼斯攻坚，仲有佢的嘅无敌主场，呢次喺地头出击有望法定时间内解决对手，「阿联」让1/1.5球嘅上盘唔好错过。
(Now 638、有线614及654台周日早上9时直播)
上季先首次参战美职嘅阿特兰大联，短短2季时间内，就成功打入总决赛，风头一时无两。虽然总决赛系一场过定胜负，但美职赛制有别于一般欧洲联赛，反而有啲似NBA，常规赛成绩较佳嗰队喺总决赛会多1场主利咁，贵为「东岸2哥」嘅阿特兰大联战绩比伐木者为佳，所以总决赛戏码得以喺佢的嘅主场举行。
有留意美职嘅球迷都知，平治体育馆可容纳多达7万人，观战气氛坚炽热，因此「阿联」主场出击都特别醒，近6仗主场就全部赢晒。佢的除左有前巴塞隆拿和阿根廷主帅马天奴领军之外，更坐拥超强锋线，射手祖斯夫马天尼斯继早前打破历季常规赛嘅入球纪录之后，赛前仲攞埋今季最有价值球员奖（MVP），有实力猛将压阵，阿特兰大联绝对有力击败对手捧盃。
波特兰伐木者作客易失守
况且波特兰伐木者虽然有前美职MVP华拿里压阵，不过球队常规赛只系排名西岸第5，整体实力明显不及阿特兰大联，尤其作客表现劲飘忽，近11仗作客都冇办法保住清白身，咁嘅防线质素，只系会益左班阿特兰大联攻击好手，捧番让1/1.5球嘅阿特兰大联上盘好过。
