除左「1哥」巴塞，西甲「2哥」西维尔今晚亦会亮相，作客勇闯「蝙蝠洞」斗华伦西亚。主队「蝙蝠军团」今季锋线哑火，属西甲攻力最弱之一，加埋主力射手洛迪高摩连奴整亲上阵成疑，面对近期进攻同样唔多顺嘅西维尔，一于强捧中位数2.5球嘅细盘！
（Now 632周六晚11时15分直播）
巴舒亚伊未能融入
华伦同西维尔嘅对决以往属西甲强劲戏码，可惜今季华伦唔争气，联赛14战只获3胜暂排第14位，战绩令人大跌眼镜。尤其一班前锋好似唔识入波咁，联赛至今只入得11球，系西甲入球数最少球队之一，被寄予厚望嘅比利时前锋巴舒亚伊，迟迟融入唔到球队，表现完全唔对办，加上主力前锋洛迪高摩连奴有伤，就算上得阵都未必够弗，进一步削弱华伦锋力，好在呢班波后防尚算稳健，14轮联赛有12次总入球２球或以下，堪称细盘专家。
西维尔早前曾一度力压巴塞过「1哥」瘾，但表现始终欠稳定，好似上仗西班牙盃对住低组别球队维拉奴云斯，都系仅赢1粒，面对守得稳嘅「蝙蝠军团」，两军随时陷入胶着，中位数2.5球细盘属好路之选。
