哈化法福三叉戟互插
首都球会哈化柏林喺主场出击表现向来都有保证，今季6仗只输过畀RB莱比锡，所赢嘅对手仲包括目前联赛榜二哥慕逊加柏同班霸拜仁慕尼黑。哈化较早前经历低潮，教练戴达决意同时起用两老一嫩嘅三位攻击手，34岁嘅伊比斯域同33岁嘅沙洛文卡劳既有级数亦有佳态，前者近两轮联赛都有波入，配合活力十足嘅戴菲沙尔基攻坚，前线火力唔讲得笑，球队防线有唔少伤兵，今仗随时以攻代守全力争胜。
法兰克福系今季德甲神奇球队，较早前保持住连续11场正式赛事10胜1和佳绩，直至上轮至突然失准畀禾夫斯堡偷到鸡，好在刚过去嘅周中冇比赛回够气，相信今季合共已经入左24球嘅三叉戟卢卡祖域、列比锡同施巴斯坦贺拿都磨拳擦掌，要喺首都争取入球，今场入波唔会少！
利华奥堡强阵大驳火
如果嫌哈化柏林嗰场波嘅2.5球大盘得1.58倍太热，黑柴建议玩过关，串埋早场上演嘅利华古逊对奥格斯堡，同样拣2.5球大盘，买番条2串1过关，乘埋有2.37倍就有博彩价值，而且仲可以玩足5粒钟，开到入球骚就过足瘾，呢场东网安排左英语评述，大家记得捧场啦！
（on.cc东网周六晚10时30分直播）
利华古逊今季踢左好多场经典好戏，包括德甲作客大胜云达不来梅6比2，同德盃作客怒炒慕逊加柏5蛋，不过佢的喺主场往往攻得太急，防线甩漏相当严重，面对多蒙特同贺芬咸呢啲擅反击球队就输到2比4同1比4，教练靴历治执唔掂防线惟有以攻代守，球队目前排到第11位肯定唔合格，全队都有决心力争上游，上轮作客对纽伦堡原本好有决心，可是喺暴雨下作战严重影响组织，结果畀吓吓去尽嘅纽伦堡逼和，今晚返主场肯定要发洩。
奥格斯堡近期3连败亦要踢争气波，佢的作客一样唔会主守，今季7场作客赛事就有5场开出大盘，今场仲有王牌前锋艾费特芬保加臣伤愈复出，入波机会相当乐观，预期又系一场入球骚。
