热刺主场大刀割禾

今晚英格兰足总盃8强战，英超「2哥」热刺主场对越级挑战嘅英甲仔米禾尔。热刺王牌射手哈利卡尼脚风超顺，喺近3仗本土赛事狂轰8粒，包括上圈足总盃「戴帽」，弗到冇朋友，挟本土赛事主场11连胜气势可「依丝W」，但主W赔率太乏味，转捧3.5球中位数入球大好过。 （LeSports HK应用程式周日晚10时直播） 哈利仔近3本土赛入8粒 热刺虽然先后喺欧联及欧霸「毕业」，但反而有利佢哋专注本土赛事，尤其係喺白鹿径主场出击零舍醒，近11仗本土赛事主场赢晒，若果单计近5仗主场亦攻入16球，当中有4仗总入球皆至少有4粒，同射手哈利卡尼（图）脚风奇顺大有关係。联赛连足总盃在内，「哈利仔」喺近3仗本土赛事入咗8粒，包括两次大演帽子戏法，上圈足总盃大胜富咸3比0之役连中三元，而好拍档迪利阿里亦连续2仗有士哥，连同基斯甸艾历臣嘅后上支援，火力强横。米禾尔只係英甲上游分子，同比佢哋高两级嘅热刺差天共地，仲有首席门将佐敦艾查继续因伤缺阵，今仗实在凶多吉少，不过主W得嗰1.07倍完全冇肉食，既然热刺火力全开，宁转玩大盘。