周一凌晨西甲大战，利云特主场挑战联赛「一哥」巴塞隆拿。利云特今季靠前场强劲火力搵食，表现令人眼前一亮，成为一路奇兵，呢场对住有球王美斯同一班攻击好手压阵嘅巴塞，绝对有力对攻，中位数3.5球入球大好路。（Now 632周一凌晨3时45分直播）
作为巴伦西亚大区嘅代表之一，利云特今季表现够晒争气，暂时以22分排联赛第6位，排名仲压过华伦西亚同维拉利尔两支同区「大佬」。其实佢的能够脱胎换骨，全赖一班前线球员嘅超班演出，除左头号射手罗渣马迪联赛至今斩获8球之外，弗爆队长荷西摩拉利斯亦频频压上助攻得手。不过，利云特后防甩漏情况严重，计埋上仗以4比4逼和伊巴，利云特近4场联赛有3次总入球开4球或以上，可见球队往往以攻代守，呢场入波肯定唔会少。
足智彩2点
截止受注
早早喺欧联分组赛出线嘅巴塞，上仗面对热刺进行轮换，出尽副选应战，加上前线危险人物苏亚雷斯伤愈复出，呢场估计会强阵出击。不过讲到最抢眼嘅，肯定非法国新仔奥士文尼迪比利莫属，虽然佢近排因为捱夜打机，搞到爆出训练迟到嘅负面新闻，不过你又吹佢唔胀，皆因呢位世盃冠军成员场上表现一啲都唔失礼，上仗对热刺单骑闯关嘅精彩入波就令球迷拍烂手掌，呢场继续有佢拍住球队大佬美斯，巴塞前场火力都几得人惊，睇好巴塞同利云特驳火，中位数3.5球入球大唔好错过。提提大家，足智彩将会喺周一凌晨2时结算，又冇即场投注。想买呢场波嘅球迷就要早啲落住啦！
