今晚英超头场，跌左落「2哥」位嘅曼城主场迎战「拖肥」爱华顿。上轮联赛被打破不败身嘅「蓝月亮」，王牌射手阿古路有机会复出，连同利莱辛尼「C朗级」嘅弗爆表现，攻力强横，不过防线近期劲多甩漏，遇上反击力强嘅「拖肥」，捧中位数3.5球嘅大盘更好路。
（Now 621周六晚8时30分直播）
曼城伤兵唔少，上仗联赛焗排无锋阵，最终作客以0比2输畀车路士，联赛不败金身都被破，好彩周中欧联出多名副选照赢贺芬咸，德国翼锋利莱辛尼更轰入靓爆罚球，呢球坚有C朗影子，赛后曼城球迷大讚佢水准系最接近C朗嘅球员，而且经过季初畀主帅哥迪奥拿特登雪藏一轮后，佢亦生性左好多。王牌阿古路抖左近2周后，伤势已好得七七八八，今场有机会赶及披甲，呢位阿根廷前锋把握力强之馀，仲可在前场牵制对方守将，造就史达宁、利莱辛尼等后上入楔，火力肯定提升。况且曼城近4场联赛主场狂轰17球，全开4球或以上，今场必围攻对手博反弹。
「拖肥」李察利臣反击煞食
不过爱华顿亦非善男信女，近6场联赛仅1败，唯一败仗系补时阶段门将比克福特发波瘟犯错，以致0比1输畀同市死敌利物浦。睇番佢的嘅前锋李察利臣近6场联赛入4球，配合基菲尔施古臣及禾确特打反击，面对近6场联赛仅1次不失嘅曼城，随时搵到着数，捧中位数3.5球嘅大盘最明智。
