榜首多蒙特主场迎战云达不来梅，多蒙特主场固然火力十足，近期更行运行到落脚趾尾，全队士气好到加零一，今晚势同作客唔识守嘅不来梅大驳火，大家等睇入球骚，黑柴推介中位数3.5球大盘。
（on.cc东网周日凌晨1时30分直播）
多蒙特近期旺到冇朋友，上轮联赛喺佢的最重视嘅鲁尔区打吡作客击败死敌史浩克04，原本已经开心到癫，而佢的嘅争标劲敌近几轮又排住队失分，令佢的榜首优势增至7分，跟住欧联又因为劲敌马德里体育会喺最后一轮分组赛无端端失分，佢的半力搞掂摩纳哥抢埋小组首名，简直系意外惊喜。嗰场波多蒙特仲刻意收起马高列奥斯、查顿辛祖、韦素同汤马士迪兰尼等主力，留番今晚夫添出击，佢的今季主场联赛7战6胜1和未输过，每仗最少都入两粒，今晚上足弹药对不来梅唔忧冇波入。
不来梅近况唔算出色，但佢的今季作客场场都有波入，近9次对多蒙特每场都有入又有失，今晚少帅高菲特爱徒拉斯卡伤愈复出，势同多蒙特斗入波。
