周二凌晨欧洲球坛好戏连场，等阿King同大家推介过关心水。其中西甲艾拉维斯主场迎战毕尔包上演「巴斯克打吡」，季初走势强劲嘅艾拉维斯，好似收够筹咁近期大跌Watt，面对刚换帅兼状态冒升嘅毕尔包未必顶得住，平手盘捧毕尔包坐和望赢。（Now 632周二凌晨4时直播）
球会史上未降过班嘅毕尔包，作为西甲老牌球队，一直坚持只用巴斯克地区出身嘅球员，可惜今季开咧一直表现低迷，为一洗颓风，惟有换走执教仅7个月嘅阿根廷主帅贝利素，由青年军教头加尔卡加列达奴升上一军执掌帅印，熟悉军情的加帅上任后班波即刻交到货，继西班牙盃4比0大炒侯尔斯卡，上仗西甲又以1比0击败基罗纳，终结近13轮联赛不胜颓势，其中射手阿度里斯近4仗上阵入5球脚风顺番晒，今轮西甲对住近4战3负1和嘅同区球队艾拉维斯，有力乘胜追击，平手盘捧毕尔包。
阿特兰大迎拉素旺大
同日，意甲阿特兰大主场斗拉素，阿特兰大前锋杜云沙柏达近期入波停不了，加上球队近3次主场对拉素全开3球或以上，呢场大盘冇走鸡。另外，英冠打比郡主场迎战诺定咸森林，森林上轮主场吞蛋士气受挫，今轮作客面对两连胜嘅打比郡，宁捧当头起嘅主队。
