就嚟又到圣诞，英超圣诞新年快车亦正式始动，今晚先由榜首利物浦打头阵，喺独脚战作客狼队。虽然红军弗到漏油，但多场激战后难免攰爆，相反狼队今季升班后遇强愈强，5斗Big 6球队只系输过1场咁大把，硬淨到晕，今仗有地利兼受让一球，下盘值博。
（Now 621周六凌晨4时直播）
利物浦近期打左多场硬仗，欧联斗到尾轮先险胜拿玻里1比0晋级，联赛豪取6连胜，赢过爱华顿、屈福特、般尼茅夫等「猪头骨」，而上场更以3比1勇挫死敌曼联，红军全场攻门多达36次，揿住嚟砌，但都要靠后备入替嘅梳顿沙基利喺末段省两粒，出尽九牛二虎之力先赢波，耗力不小。
利物浦伤兵多让唔起
除左球员未回得切气，利物浦伤兵问题亦值得留意，除左阿历士张伯伦长抖，中场悍将占士米拿今仗亦上阵成疑，加上3名后卫祖尔麦迪比、祖高美斯及阿历山大阿诺特养伤，令红军防线存在隐忧。
今季升班嘅狼队，近期连胜3场企稳中上游位置。呢支老牌球队擅打稳守突击，而且佢的有个特点，就系每逢遇到强队分外Sharp醒，今季5次出战Big 6强队，取得1胜3和仅1负佳绩，包括上次主场出击，落后之下以2比1反胜车路士，强如曼城去到佢的嘅「铁窦」亦只能逼和1比1，可见其超快反击及出色嘅死球战术，经常令劲旅防不胜防，今场可藉地利顶住唔输，让球盘仲有得受让一球，必捧下盘。
