往绩赢晒慕逊加柏
今晚德甲上演榜首大战，1哥多蒙特主场迎战排第2嘅慕逊加柏；多蒙特虽然岩岩畀杜塞尔多夫打破今季联赛不败身，不过佢的近年专食慕逊加柏，对上6次对赛取得全胜。慕逊加柏作客表现经常走样，多蒙特让一球照捧上盘。
（Now 670及Fox+周六凌晨3时30分直播）
德甲踢埋今轮比赛就进入歇冬期，依家喺榜首有6分优势嘅多蒙特已经肯定攞到冬季冠军，虽然佢的周中意外输畀杜塞尔多夫1比2，未能以不败身完成首循环赛事，不过嗰场佢的派左唔少副选落场，好似马里奥葛斯及舒姆沙都难得担正，相信今次返主场会派强阵应战，务求重敲胜鼓。
事实上，多蒙特上场表现唔算太差，特别系落后之下，查顿辛祖及柏高艾卡沙后备上阵抢番唔少攻势，当中后者射入个人今季第12个联赛入波，领先神射手榜，加上靓仔球星马高列奥斯助阵，进攻火力肯定强盛。
慕军作客走晒样
慕逊加柏周中以2比0击败纽伦堡，将榜首差距收窄至6分，而且佢的今季主场联赛8战全胜，成为德甲主场王，可惜佢的最大问题系作客保持唔到同样水准，今季8场作客只得2胜3和3负，对住弗赖堡、哈化柏林等中游球队都输波，而且慕逊加柏过去6次联赛斗多蒙特全部输晒，加埋一共失左20球，包括上季作客西法伦球场大败1比6，今次睇怕都凶多吉少，多蒙特让一球，上盘捧得过。
