川崎前锋博大雾

FC广州后防慌失失 亚冠盃G组赛事，中超班霸ＦＣ广州（广州恒大淘宝）作客日职球队川崎前锋。ＦＣ广州开季未上力，除咗连续两场亚冠盃分组赛和波失分，目前喺中超联赛榜亦只排第5，最惨球队后防唔稳阵，几乎场场有失波，今仗作客川崎预计会有唔少入波出现，中位数2.5球嘅1.78倍大盘最抵玩。 （Now 670及Fox Sports Play周三晚6时直播） ＦＣ广州上轮主场对川崎前锋领先咗大半场，点知去到补时因为于汉超禁区内犯手球输12码，最终被逼和1比1，连同对上一仗作客水原蓝翼打和2比2，ＦＣ广州3战仅得1胜，赢嗰场仲要对手东方龙狮早喺上半场已打少2个，恒大最终赢够7粒唔算好叻。事实上，除咗对东方同埋季初唔算太有竞争性嘅中超盃赢ＦＣ江苏，ＦＣ广州近6仗比赛场场有失波，加埋一共失咗10球，而且佢哋最近4次亚冠盃作客日职球队只赢过一次，今仗要喺川崎身上全取3分绝对唔容易。川崎前锋头3仗分组赛全部打和，暂时以2分落后ＦＣ广州，今仗如果赢波便可反压对手抢得出线主动权，主场出击必以3分为目标，斗攻之下捧大最好路。 E组鹿角访澳翻转狮吼 至于两场E组赛事，另一支日职代表鹿岛鹿角作客斗澳职布里斯班狮吼。鹿角作客3连胜，表现更胜主场，狮吼对上两场分组赛合共吞咗9隻光蛋，目前排小组包尾难发围，客W稳开。 （Now 672及Fox Sports Play周三下午5时直播） 同组泰超球队蒙通联主场迎战南韩蔚山现代，蒙通联今届主场曾经2比1击败鹿角，实力唔可以睇小，现代作客表现打折扣，近3仗作客有2仗冇波入，作客让唔起主队，蒙通联受让平半，下盘捧得过。 （Now 670及Fox Sports Play周三晚8时30分直播）