考牌战要1 take pass
曼联自苏斯克查接手后，打出漂亮嘅5连胜，其快乐足球理念同进取嘅踢法深得球员认同，球迷亦重拾久违嘅笑容，今仗迎战强敌热刺嘅「考牌战」，乐比认为苏B同红魔嘅蜜月期可延续，让球主客和热刺让一球，曼联让球客胜岩晒合尺。
（Now 621周一凌晨零时30分直播）
其实曼联复甦可以话系预期之内，一来之前5连胜嘅对手全部易食，简直系送畀苏斯克查嘅绝佳礼物，二来曼联班球员实在畀摩连奴抑压得太耐，苏斯克查一来即大解放，球员自然变成脱缰嘅野马，甚至系猛虎出笼，主将保罗普巴唔再扭计，连卢卡古都重拾射门鞋，自然令曼联战斗力大增。
红魔杜拜集训叉足电
不过，热刺同曼联之前5仗对手绝不可同日而语，苏斯克查亦不敢怠慢，趁周中空档拉队到杜拜集训，佢认为短短4日集训成效却非常大，除左可以帮班球员喺快车后叉一叉电，亦可加深佢同球员嘅了解，集中精神应付今场大战。
热刺26日踢8场攰爆
反观热刺就真系马不停蹄，由于英联盃杀入4强嘅关系，要喺26日内应付8场比赛，上周中更硬撼完车路士，战力消耗不少。虽然近况大勇嘅孙兴民会踢完今场大战先向国家队报到，转战亚洲盃，但热刺连场大战加上阵中兵源调动较少，相比起养尊处优嘅曼联确系比较输蚀。
今场对苏斯克查亦有另一番意义，就系近期有唔少声音支持佢坐正，当中包括德高望重嘅费格逊，据讲费爵爷曾多次进出卡宁顿训练场，畀左呢位爱徒唔少意见。除施丹外，热刺领队普捷天奴亦系曼联嘅目标人选之一，如果苏斯克查想来季坐正嘅话，今场更加系唔衰得。一于撑苏B，捧曼联让球客胜！
