斗Big6失波多
今晚英超压轴上演伦敦打吡战，由第5位嘅阿仙奴主场迎战第4位嘅车路士，由于近期曼联复甦，变相令前4争持更激烈。论上半季表现，车仔确实比兵工厂好，但又估唔到作客要让平半咁恶，乐比建议改向中位数2.5/3球大盘埋手，事关阿仙奴今季防线甩漏甚多，开大易过借火！
（Now 621周日凌晨1时30分直播）
阿仙奴今季改由艾美利领军，进攻无疑较上季锐利，目前平均每场入球为2.09球，较上季1.95球略为优胜，但失球数字却由1.34增至1.45球，其中Big6对赛情况更严重，1胜2和4负成绩固然差，7场波失左17球之多，今场随时又好似首循环输2比3咁上演入球骚。
车路士反击掂「夏神」弗
事实上，阿仙奴今季22场联赛当中，仅得3场保持清白之身，其实艾美利都知阿仙奴现时问题所在，所以经常採用三中坚踢法，希望可以利用人数嘅优势稳固防线，但两闸经常有上冇落，中场球员又唔够硬朗，都系阿仙奴防线经常崩溃嘅原因，所以佢都想物色新后卫加盟，可惜远水不能救近火！
阿仙奴今季另一弱点系非常慢热，22场联赛仅得2场系半场领先，另外32个失球当中，有20个失球来自上半场，可见阿仙奴开局系几咁不济，今场亦不妨向半场大埋手。
另一边厢，车路士今季进攻火力唔算强劲，但对Big6就好多波入，首循环5次对Big6球队入左9球，主要原因系车仔防守反击相当有威胁，「夏神」夏萨特今季已贡献左10个入球同10次助攻，即使两名前锋基奥特同艾华路莫拉达哑火，其他中场球员都经常后上取得入球，而希古恩即将加盟嘅消息，亦可望刺激到进攻球员嘅表现。
