巴林中场
亚洲盃16强激战连场，其中周二晚上南韩将会火併巴林。「太极虎」虽然有头号球星孙兴民压阵，但系球队打法唔算进取，呢场面对以死守阵应战嘅巴林，入波唔慌会多，宁愿捧中位数2.5球入球细好过。
（Now 671周二晚9时直播）
贵为亚洲劲旅，南韩上一次捧起亚洲盃已经要数到去1960年，上届仲喺决赛加时输畀澳洲饮恨而回，今届球队卷土重开强阵出击，虽然头两场主力前锋孙兴民都冇份踢，不过都无阻「太极虎」抢得好成绩，最终分组赛3战赢晒，而且未失过1球，以全胜姿态晋级16强。值得留意，南韩今届3场分组赛入得4球，有人可能话佢的表现欠缺霸气，不过呢种稳打稳扎嘅踢法，其实应付淘汰赛绝对岩使，球队近9场亚洲盃法定时间全开2球或以下，呢场面对攻力唔算出色嘅巴林，南韩可以照办煮碗，中位数2.5球入球细好路。
卡塔尔追击伊拉克
去到周三凌晨，卡塔尔将会硬撼伊拉克。卡塔尔今届表现超班，分组赛3战全胜狂轰10球，仲未失过1球，其中就包括以6比0血洗北韩，同上仗以2比0击败传统劲旅沙特阿拉伯。而发挥最出色嘅，肯定要数攻击手阿蒙斯阿里，呢位22岁新星3场分组赛都有波入，已经个人斩获7球，加上球队近4次面对伊拉克取3胜1负往绩佔优，呢场有力乘势追击，让平半上盘值博。
（Now 671周三凌晨零时直播）
