周一凌晨西甲大战，联赛1哥巴塞隆拿将会主场迎战雷加利斯。打法保守嘅雷加利斯，近期走势回勇，于联赛积分榜排名节节攀升，今仗作客挑战面对势不可当嘅强敌巴塞，雷加利斯肯定会以守代攻，中位数3.5球入球细捧得过。
（Now 632周一凌晨3时45分直播）
近13场12次开细
开局慢热嘅雷加利斯曾一度于积分榜垫底，不过呢支球风强悍嘅球队近期渐渐搵番比赛信心，最关键嘅转捩点，肯定系喺联赛首循环以2比1击败巴塞，除左喺呢场波收穫赛季首胜之外，仲为一班球员打下强心针，自此球队开始重回正轨，上仗仲喺西盃以1比0爆冷击败皇家马德里。查实雷加利斯一向以稳健防守见称，近13场联赛有12次开2球或以下，今仗肯定会继续採取稳守突击战术。
纵使巴塞近期走势强劲豪取联赛6连胜，不过领教过雷加利斯嘅实力之后，呢场肯定唔敢轻敌，好彩巴塞近期防守表现有改善，近6仗只失1球，呢场唔会随便畀对手有机可乘，中位数3.5球入球细系不二之选。
