on.cc东网免费直播德甲
东网直播德甲又嚟啦！今晚我的安排左巴登符腾堡州打吡畀大家，弗赖堡主场迎战贺芬咸，安排英语旁述。两军赛前因为不平等借将条款问题闹得唔多愉快，今场对决肯定打甩髀，贺芬咸质态都稍胜一筹，作客小让平半，上盘可捧。
（on.cc东网周六晚10时30分直播）
贺芬咸近年基于班主霍普要求球队自负盈亏，唔似得几年前咁大花筒，今届喺欧联出局后，会方有感只系应付本土赛，球队兵源略嫌臃肿，于是喺歇冬期一口气将5名边缘球员外借，除巴西小将菲腊比皮利斯借番巴西畀彭美拉斯外，另外4将分别借畀4间德甲友会，包括门将基哥高保（奥格斯堡）、后卫阿克普古马（汉诺威）、中场史堤芬苏巴（史特加），同埋将岩岩喺两个月前首次代表意大利国家队出赛嘅中场基科借畀弗赖堡，原本各取所需大家开心，点知近日弗赖堡至发现借用条款唔公平而提出抗议。
弗赖堡借将遇不公平对待
原来贺芬咸借出呢批球员，只有同州嘅弗赖堡受到规限，基科喺今季内对贺芬咸嘅比赛唔可以倒戈上阵，但其馀借出嘅球员就冇呢个限制，弗赖堡得悉后向贺芬咸提出应该畀基科喺今晚上阵，不过遭贺芬咸拒绝，佢的话其馀3支获借将嘅德甲球队都系急需护级嘅弱旅，但弗赖堡实力比佢的高，今场又系打吡战，何况合约白纸黑字订明条款，决定维持唔畀基科喺今仗上阵。
贺芬咸夫添胜算较高
弗赖堡喺咁嘅情况下当然唔高兴，今晚打吡战预期会畀多两钱肉紧，不过佢的歇冬后首战遭法兰克福打爆，状态麻麻，至于贺芬咸上仗虽然输畀班霸拜仁，但下半场狂攻极具威胁，若非纽亚神救佢的未必会输，今晚夫添出击，有信心攞到新年第1场胜仗。
