快车将至各有保留
今晚英足盃第4圈赛事，英超「2哥」曼城主场迎战般尼。虽然两军联赛排名差几条街，但因为嚟紧周中联赛加开快车，为免增添伤兵，随时好似岩岩英联盃咁出副选迎敌，见好即收唔慌多波入，3.5球嘅细盘仲好路。（周六晚11时开赛）
曼城依家4线发展，联赛、欧联、英足盃都有争标机会，岩岩又杀入英联盃决赛，赛程坚密，查实佢的板櫈深度唔系咁深，若果唔觉意有人受伤都几麻烦，淨系睇前锋只得阿古路同加比尔捷西斯轮换就知喇，难怪主帅哥迪奥拿都就住嚟用。「蓝月亮」嚟紧周中英超又开快车对纽卡素，始终联赛更加重要，今仗英足盃或略作保留，睇番佢的日前英联盃4强次回合小胜伯顿1比0，起用艾利真历梅历治、菲腊辛特拿、菲尔科顿等多名新仔，今仗随时照办煮碗，赢到即收缰。
般尼心繫护级玩死守
另一边厢，虽然般尼喺联赛位处下游，但近期确实弗番，连盃赛在内，近5仗取得4胜1和，绝对唔失礼，不过佢的都心繫联赛护级，可能玩死守求输少啲就算，近5仗全开3球或以下，转捧3.5球嘅入球细。
