蒙通联鹿角吼半和

另一组Ｅ组亦上演两场分组赛，日职冠军鹿岛鹿角作客曼谷苏帕查拉赛体育场斗泰超球队蒙通联。今仗係鹿角11日内第4仗正式比赛，鹿角上仗日职开锣战以0:1不敌ＦＣ东京，球员开始有疲态，估计作客出战唔会过分冒进。至于蒙通联被视为此组陪跑分子，主场出击亦冇本钱抢先机，首选半场和。 （Now 670、Fox Sports Play周二晚8时30分直播） 上季日职总冠军鹿岛鹿角季初赛程排到密麻麻，由日本超级盃起计，今係已经係鹿角11日内第4仗比赛，头2仗鹿角係威係势，先喺日超盃以3:2击败浦和红鑽，然后亚冠盃首轮分组赛亦以2:0击败蔚山现代，点知上周末日职开锣战主场对ＦＣ东京走晒样，几乎全场被压住嚟打，结果最终以0:1落败，球员表现开始有疲态，今场佢哋又要飞往泰国出战，睇怕都好难喺初段攞到甜头。 蒙通联相隔4年再度出战亚冠盃分组赛，实力、经验都唔够，早被视为陪跑分子，不过球队上仗作客能以0:0闷和澳职球队布里斯班狮吼，防守做得唔错，喺主场球迷打气之下有力踢高一班波，推介半场和。 现代狮吼入波唔慌多 另一场Ｅ组由南韩代表蔚山现代主场斗澳职布里斯班狮吼，两军首轮分组赛都入唔到波，攻力麻麻，预计今仗入波唔会多，中位数2.5球嘅细盘博得过。 （Now 672、Fox Sports Play周二晚6时30分直播）