换帅振士气
本周中有英超快车，周三凌晨焦点係啱啱炒咗领队佩尔嘅李斯特城主场迎战白礼顿。李斯特城之前7场只得1和6负，日前终于怒炒不得民心嘅佩尔，虽然仍未搵到新帅，但佩尔离队，相信会令士气大振，同佢不和嘅占美华迪等主力大踢争气波。白礼顿近况一般，单计客场，近5场联赛作客仅得1和4负，包括对弱旅富咸亦反输2比4，令人失望，造访刚易帅嘅「狐狸」凶多吉少，主胜有计。
（Now 624周三凌晨3时45分直播）
纽卡素般尼吼半场和
至于纽卡素就会主场硬撼般尼，「喜鹊」上场凭荷西朗顿入波兼助攻，以2比0击败打少个嘅哈特斯菲尔德，虽然不断抢分成功，但同降班区分数距离仍然好接近，故此未能鬆懈，以主帅宾尼迪斯嘅保守风格，必定先求稳阵，从近5场正式赛事4场开出半场和可见一斑。同样要护级嘅般尼，摆脱季初颓势，近8场联赛保持不败，包括上场以2比1击败热刺，其中5场开半场和，预计两军初段都会就住嚟踢，半场和值得再追。
（Now 621周三凌晨4时直播）
