禾路有货交华伦快车扫雷

西甲周中加开快车，搵番禾路坐正执教嘅华伦西亚，终于有起色，早前更于主场击败皇马，最令人惊喜係1月加盟嘅「失意军人」施蒙尼沙萨，都有神来之笔，屡建奇功。华伦西亚今仗主场对雷加利斯，赢面相当大，捧主胜。 （Now 633周三凌晨4时30分直播） 华伦西亚季初解僱主帅阿耶斯塔兰，由助教禾路暂时领军，立即连赢2场，包括击败雷加利斯。不过会方喜爱名牌，聘请前意大利国家队领队柏兰迪利执教，成绩反而走下坡。结果上年年尾，都係炒咗柏兰迪利，并正式由禾路担任主帅。呢位53岁教练唔止係华伦名宿，仲喺华伦教练团工作多年，非常熟悉队内情况，由佢接手领军，自然可以对症下药，改善问题。 华伦表现亦愈来愈好，尤其係近4场联赛主场赢咗3场，包括以2比1击败皇马，施蒙尼沙萨射入1球世界波，令人拍桉叫绝。呢位25岁意大利国脚上年欧国盃8强对德国，以「碎步」助跑射失12码出丑，跟住被祖记外借去韦斯咸，踢咗半季都冇波入，上月转战西甲获得重生。华伦近两场联赛主场赢波，施蒙尼沙萨都有波入，上仗作客输畀艾拉维斯后，今仗返回自己地头，应该可以反弹。 雷加利斯作客唔够砌 雷加利斯今季升上西甲，明显未够班，现时已捲入降班漩涡。加上以佢哋近8场联赛作客2和6负劣绩，更加无力喺华伦身上抢分，可以继续反。