另一支伦敦球队车路士，喺今晚欧霸16强次回合作客基辅戴拿模。车仔首回合淨胜3蛋，出线机会高唱入云，留力联赛争前4好过，今仗只求稳稳阵阵保住优势过关，基辅受让当然捧1.75倍让球主胜。
（Now 643、有线656及616台周五凌晨1时55分直播）
车仔凭柏度洛迪古斯、韦利安及新仔赫臣奥杜尔各省1粒，喺首回合主场赢3比0，晋级可谓坐定粒六，反而喺日前联赛只能逼和狼队1比1，依家打少1场下落后「4哥」阿仙奴3分排第6位。虽与热刺、阿仙奴同曼联积分差距唔大，但争前4嘅形势相对被动，就算捧欧霸亦可取得欧联入场券，不过现阶段冇可能咁快放弃争前4；既然领先紧基辅3粒，车仔今仗收起夏萨特等主力，留力联赛唔奇。
留力英超争前4
基辅虽有比华历、法兰苏尔及舒比利夫受伤患困扰，但前锋哈马殊于日前联赛梅开二度，状态唔错，而且主场出击点都唔想衰多铺。何况车仔近2次作客乌克兰，只得1和1负未赢过，加上心繫争联赛前4，今仗例行公事只求保住优势过关，唔会踢得特别搏命，蓝战士今场冇本钱让波，宁捧让球主胜。
