两军目前都喺上佳状态，尤其前线着晒火，但防线同样甩漏多，有望重演首循环共轰8球嘅入球骚，一于追捧中位数3.5球大盘。（on.cc东网周日晚8时30分直播）
两军都力争下季欧战入场券，利华古逊近7场德甲赢咗6场之外，合共轰入20球，每场最少都入两粒，当中箭头禾兰个人已佔咗5球，国家队新贵夏维斯表现亦十分耀眼，加上祖利安白兰特、里安拜尼同比拿拉比嘅进攻默契丝丝入扣，入波根本係简单任务，只可惜防线表现依然甚差，上轮对住降班胆汉诺威都失两球，搞到几乎赢唔到，两位防线大哥施云宾达同拿斯宾达兄弟刚伤愈状态未弗，预期都只能先做后备，防线始终未能予人信心。
不来梅今季28战场场入波
云达不来梅近况亦弗，踏入2019年仲未输过，除咗8场联赛保持不败外，德国盃亦将劲旅多蒙特踢咗出局，目前全队信心爆棚，基于积分落后，想参战下届欧霸就要急起直追，呢班波喺少帅高菲特带领下一直坚持进攻足球，今季联赛连盃赛28场赛事场场有波入，全德甲得佢哋做得到，单计联赛亦跨季26战都有入波，前线轮流发威，攻击中场小将艾格史甸更首度入选勒夫嘅德国国家队大军名单，足见表现有几Sharp醒。不过佢哋防线两名主力中坚施巴斯坦兰甘同维尔高域一伤一停，搞到要重新起用小将马高费度，呢位21岁奥地利中坚，首循环主场对利华古逊就犯下大错令不来梅惨败2比6，亦因此被投閒置散咗一段长时间，今晚重获上阵机会又遇利华，能唔能够抹走心理阴霾係一大疑问，试问今场入波又点会少呢？
