苏B坐正第1击心雄
英超周六晚重燃战火，曼市双雄分途出击，啱啱宣布苏斯克查坐正嘅「红魔鬼」曼联喺奥脱福主场迎战「大黄蜂」屈福特，屈福特依家喺联赛无欲无求，加上近4次对红魔鬼唔止全部输晒，而且4次都係上半场已落后，博好分头捧半场主胜。
（Now 621周六晚11时直播）
曼联喺国际赛前虽然先喺联赛输畀阿仙奴跌落第5位，然后喺英足盃8强畀狼队淘汰出局，不过并冇动摇球会对苏斯克查嘅信心，日前球会正式宣布同「苏B」签约3年，呢场係佢坐正后首场比赛，加上之前2连败，赢波决心有几大相信唔使多讲。早前因伤避战国际赛嘅卢卡古及拉舒福特据悉有望复出，连格、安达靴里拉、安东尼马迪尔及桑马达对狼队时亦已伤愈落场，阵容回复完整更添胜算。
屈福特对赛惯由头输到尾
屈福特依家喺联赛榜排第8，落后第6位嘅车路士14分，加上又冇降班威胁，相信会集中火力应付下周末对狼队嘅英足盃4强战，更何况，「大黄蜂」今季联赛9次对Big6球队输8次，当中作客曼城、利物浦、热刺及阿仙奴全部输晒，实力明显差一班。睇番屈福特最近4次联赛斗曼联全败之馀，4次都係半场已落后输到尾，如果嫌1.34倍主W太热冇肉食，曼联让一球/球半又太多，不妨转捧1.79倍半场主胜。
富咸遇曼城「细」成骑虎
另边厢，曼城今晚会喺头场作客弱旅富咸。曼城喺2019年10场英超赢9场，相反富咸11场联赛输10场，状态、士气差天共地，由于利物浦听晚先喺主场斗热刺，落后2分兼少踢1场嘅曼城只要赢波，至少可做一日「1哥」，但考虑到曼城嚟紧仲要应付周中快车、英足盃4强及欧联8强，无可避免要作出轮换或留力，加上富咸近4次联赛主场对Big6球队，除咗淨吞曼联3蛋，其馀对利物浦、车路士及热刺都係仅输1比2，比数未算一面倒，大细中位数有3.5球宁愿捧细。
（Now 621周六晚8时30分直播）
