今季遇弱旅轻易爆破
力争「4冠王」嘅曼城周中快车主场斗卡迪夫城，现时落后利物浦2分嘅「蓝月亮」，今场赢波就可重登榜首，佢哋对弱旅最叻快刀斩乱麻，今季5次对英超榜尾3队，4次开出半场大，包括首循环作客大炒今晚对手「卡城」5比0，半场已开出3比0；卡迪夫城扬言会出青年军，有利曼城早早开纪录，诚意推介中位数1.5球半场大盘。
（Now 621周四凌晨2时45分直播）
卡迪夫城上仗输车路士1比2极冤枉，继续排第18位，护级水深火热。车仔扳平一球明显有2个球员越位，赛后领队禾诺克企喺中圈「怒睥」球证宣洩不满，马来西亚班主陈志远更喺当地电台读出声明，话完全支持禾诺克嘅做法。禾诺克喺赛后记者会上，威胁今场作客曼城，随时会用U23算数：「场入面边个踢紧其实唔紧要，边个举旗同吹哨子先係最重要！」
「卡城」宣洩不满话出青年军
姑勿论禾诺克係真係假，其实都有利开大。球队今季联赛9次面对Big 6全败，包括首循环主场吞曼城5蛋，但其实佢哋上仗踢得唔曳，如果原班人脚上阵，谷住啖火随时同曼城死过；若然真係「玩嘢」出青年军，曼城一众星级球员，绝对可予取予携，入波自然唔成问题。
曼城踏入季尾虽要应付英超、英足盃及欧联3条战线，不过未见疲态，领队哥迪奥拿手上大把兵用，如意算盘自然係早早奠定胜局，畀班主力有机会休息。事实上佢哋对弱旅绝对「No Mercy」，今季联赛5次对榜末3弱卡迪夫城、富咸及哈特斯菲尔德，4次半场总入球2球或以上，相信今晚同样可以顺利开出1.5球嘅半场大。
