多蒙特后劲强敲主和

多蒙特上轮靠柏高艾卡沙补时两个入波，击退禾夫斯堡进佔榜首，今晚出师安联球场，后防主力艾度迪亚路同阿舒拉夫因伤缺阵，防线削弱，好在灵魂马高列奥斯复出领军攻坚，佢哋王牌射手柏高艾卡沙虽然只有16个德甲入球排射手榜次席，但佢上阵时间相当少，今季德甲只踢咗683分钟，即係平均每42分钟就入到1球，效率远胜平均每122分钟至省1粒嘅罗拔仔，何况多蒙特係德甲后劲王，今季66个入球当中，有21个係喺最后15分钟取得，今场建议先捧中位数3.5球大盘，再小敲有15倍嘅「半全场」主和博大雾。