史特加主场对纽伦堡上演护级大战，今场我哋安排咗英语旁述，史特加目前以20分排尾3，落后尾4嘅奥格斯堡5分，领先今场对手尾2嘅纽伦堡亦有4分，但以两军近期表现同气势，再睇埋阵容完整性，纽伦堡绝对唔比史特加差，既然今场和波对双方都冇好处，黑柴建议再博冷，敲4.15倍纽伦堡客W。
（on.cc东网睇体台周六晚9时30分直播）
纽伦堡自从由舒贺马斯做看守教练后表现大有进步，连仗踢出严密防守组织同强横斗志，只係一直当黑同遇上强敌至仅败，到上轮主场对奥格斯堡终于一吐乌气，大胜3球令护级重现曙光，今晚若能一举击败护级对手，就好有希望争取护级附加赛资格，几大都会搏尽佢。史特加平均人脚名气佔优，但阵上表现就冇纽伦堡咁顽强，上轮吞法兰克福3蛋之馀，仲有中场大将卡斯特罗同队长根拿伤出，今仗无缘上阵，佢哋近12场联赛只赢过包尾嘅汉诺威，今晚未必啃得落纽伦堡呢旧猪头骨。
