柏林联对雷根斯堡，主队仍有望追赶联赛第2直接升班位置，斗志必佳，上盘让半一，赛前先入手，走地必等机会追注入球大。
（on.cc东网周六凌晨零时30分直播）
柏林联呢队波今季同大家睇咗好多次，球队用波能力唔差，但犯上大部分德国球队通病，一赢波拖慢兼缩后。强如汉堡上周领先下，一退防被反胜、科隆周中补赛领先两球下龟缩，都最终痛失两分。柏林联早前直播面对海登咸就係咁反胜为败，印证晒现代足球必需主动嘅道理；事实上，因应今场柏林联主场出击，加上实力上秤先，佢哋喺未开纪录前会採取主动，亦相信佢哋有能力取得入球，但入波后先係关键所在，如主队一如往常拖慢节奏，雷根斯堡都係一支具火力嘅中游分子，加上若雷堡今场赢波，来回6分下仍有爬升上前3机会，所以呢场上盘只宜小注，走地先等主队第一个入球，入波后睇水位追入球大先係重心出击所在。
史浩克拣波踢要小心
至于同晚德甲有护级大战，史浩克04今晚击败纽伦堡，基本上最多跌落尾3极之安全，睇佢哋之前作客仍有力赢汉诺威，似乎呢队波并唔係渣，而係冇嘢争情况下，拣有需要赢嘅比赛先嚟发力，作客让平半都小注玩吓。
