李城收够筹唔会搏
周五英超特别场李斯特城主场迎战纽卡素。纽卡素呢队波唔好用常理去谂点样投注，用摊路赌就最啱，佢哋有条黄金摊路，近9场作客和输单跳，上次输完今场会和波。李斯特城联赛4连胜，分已经抢到够晒，係时候获利回吐，今场纽卡素受让半一，必捧下盘。
（Now 621周六凌晨3时直播）
近9场「和输」单跳
纽卡素今季好好赌，唔好理状态、伤兵军情、主客情况，总之跟摊路赌就掂，好似上场对水晶宫主场都输波，就係因为佢哋对亲伦敦球会都冇好结果，累积1胜3和9负，长反就掂。
今场亦都有黄金摊路，「喜鹊」作客唔掂係人都知，连盃赛在内9场未赢过，自旧年「拆礼物日」开始输畀利物浦之后，呢9场都係「和输」单跳，佢哋上场作客不敌阿仙奴，跟摊路今仗会开个「和」。
睇赛绩李斯特城就梗係靓啦，联赛4连胜，而且近7次对纽卡素6胜1负添。不过值得留意嘅係，「狐狸」抢埋咁多分其实已经够晒数，前6又冇佢哋份，护级又唔关事，渡边年就博佢获利回吐喇，你信咪跟一口囉！
