今晚英超头场，「4哥」热刺续喺新主场迎战哈特斯菲尔德。虽然热刺搬入新主场后连场报捷，但王牌哈利卡尼因伤可能提早收咧，今仗肯定缺阵，加上顾虑欧联8强次回合，随时有所保留，2.5球嘅入球细更好路。
（Now 621周六晚7时30分直播）
热刺自从搬入新主场之后，先喺首骚轻取水晶宫2粒，跟住喺周中欧联8强首回合勇挫曼城1比0，抢到先机。不过射手哈利卡尼喺呢场被戴尔夫踩伤足踝外侧韧带，有传佢好大机会提早收咧，总之今仗就唔使预佢，同时中场迪利阿里亦被验出左手骨折，虽然唔影响到佢上阵，但嚟紧周中欧联8强次回合要再恶斗曼城，话就话要争联赛前4，讲到底呢一刻欧联大过天，主帅普捷天奴今仗收起主力唔奇，攻力点都差啲。
哈特斯残阵兼冇Heart
包尾大幡哈特斯菲尔德近20场联赛输咗18场，包括近5仗全败，已提早宣布护级失败，下季英冠再见，唔慌有战意，何况球队仲有迪亚卡拜、宾捷安、迪普特列等伤兵，想赢亦有心无力。睇番哈特斯今季联赛入得19球，係入波最少球队，而第2少嗰队卡迪夫城都入咗28粒，可见哈特斯锋力坚疲弱，造访心繫欧联嘅热刺，预计唔慌多波入，2.5球嘅细盘乃不二之选。
