季后赛在望 和波大家好
周六下午澳职早场，有两支好大机会攞到季后赛资格嘅墨尔本城同阿德莱德联对碰，由于双方已抛离第7位嘅纽卡素喷射机，呢场各取1分对大家都有好处，估计踢法相对会消极，捧中位数2.5球嘅入球细。
（myTV Gold 302、Now 639、有线655及615台周六下午3时35分直播）
排紧第6嘅墨尔本城上场以4比1大胜布里斯班狮吼，取得宝贵3分，现时已抛离第7位嘅纽卡素喷射机7分，但其实狮吼早已笃定无缘季后赛，呢场波明显係「人弃我取」。事实上，墨尔本城近况唔係太好，唔计上场赢狮吼，对上8场联赛只得1胜3和4负，表现绝对可以用「曳」嚟形容。
至于阿德莱德联比墨城多1分排第5，球队之前同样经历过一段低潮，联赛一度5场不胜，至最近两场先分别以1比0击败中岸水手同以3比1大胜威灵顿凤凰。
联赛碰头少交收
由于常规赛前6名球队可进身季后赛，依家只係得番3轮，今场若果各取1分，对墨城同阿联嚟讲算係唔错嘅战果，大家冇必要死砌。睇埋墨尔本城与阿德莱德联以往交手都甚少交收，近6次联赛碰头5次总入球2球或以下，估计今场亦唔会例外，推介中位数2.5球嘅入球细。
