4度对决最终回
曼城同热刺经过周中嘅欧联世纪大战后，今晚英超联赛再重逢。好多人替曼城VAR争议出局感到不值，今晚正好係报仇好机会，而目前形势亦清楚不过，曼城希望力争联赛宝座，热刺则希望力保前四，相信今场入球就算冇周中咁多，打个折扣都足以开到大，乐比撑3/3.5球嘅大盘。（Now 621周六晚7时30分直播）
曼城目前落后榜首利物浦2分但少踢1场，只要今仗赢波就可暂时登上榜首，所以主动权仍落喺佢哋手上，以曼城一贯嘅踢法同近期状态，其实又唔需要太担心，毕竟佢哋喺主场各项赛事加埋已13连胜，加埋入咗53球之多，平均每场自己一队都入4粒以上，开大绝对有保证。
事实上，曼城嘅高位压迫及进取踢法，係完全唔会畀对手喘息机会，即使今季主场对Big 6球队，都取得全胜兼多波入，除对防守最强嘅利物浦仅入2球外，其馀起码都入3球或以上，可见攻力之强，加上脚风甚顺嘅阿古路同史达宁正力争神射手，今仗对热刺肯定唔会手软，甚至会力争得失球优势，以备不时之需。不过曼城防线其实又唔算非常稳阵，好似周中对热刺时中坚拿朴迪多次犯错，以热刺近期嘅气势要入波并唔困难，所以捧大似乎係最佳选择。
热刺用孙兴民火力仲劲
热刺近日虽然有首席射手哈利卡尼重创，但多场赛事已证明，冇咗哈利卡尼嘅热刺其实更有威胁，尤其係对强队打突击时，孙兴民踢最前可谓如鱼得水，睇番热刺今季缺少「哈神」嘅5场联赛均全胜，可见热刺入波绝对唔係靠佢。另外热刺近年作客曼城都例多失波，近6次作客曼城失咗21球之多，加上近期作客失波相当严重，近8场作客有7场係失2球之上，综合多项数据，睇嚟今场都会係一场大比数赛事。
