同日英超仲有多场好戏上演，其中周日早场有爱华顿主场斗曼联。阵中勐将如云嘅「拖肥」表现硬淨，尤其近排对亲Big6强敌都特别有计，今场对住畀连场恶战「Chur爆」嘅「红魔」肯定唔会手软，中位数2.5球入球细捧得过。
（Now 621周日晚8时30分直播）
英超中游分子爱华顿阵中除中场核心基菲尔施古臣之外，后衞葛特苏马同米克坚尼近期表现愈嚟愈稳健，后者仲因此畀英格兰国家队重召入队，堪称係爱华顿后防嘅定海神针。有佢哋镇守后防，「拖肥」近6场联赛5次开2球或以下，其中对住利物浦、车路士同阿仙奴都保持不败，可见佢哋绝对有力同强队周旋。况且红魔啱啱喺欧联8强遭巴塞淘汰，嚟紧仲要恶战同市死敌曼城，今场未必能全力应战，捧番中位数2.5球入球细好过。
阿仙奴水晶宫博大盘
至于阿仙奴就会主场同水晶宫合演伦敦打吡；阿仙奴主场出击向来醒过作客，已经累积18个入球嘅射手奥巴美扬，其中佢有11球喺酋长球场射入，不过中坚柏柏斯达夫普路斯继续坐波监，令兵工厂防线埋下隐忧。作客表现弗开嘅水晶宫，近8场联赛作客仅输2场，而且近4次联赛同阿仙奴交手都开3球或以上，今场随时再同枪手驳火，中位数2.5球入球大值博。
（Now 622周日晚上11时直播）
