周四早上有多场南美自由盃上演，阿King发现唔少好嘢，最啱玩3串1过关搵餐晏仔。今届自由盃赛程安排要留意，唔少球队出现连踢3场主场、或者连踢3场作客，好似G组巴西帕拉尼恩斯分组赛3连胜全部都係主场取得，相反来自玻利维亚嘅威斯特曼头4轮有3场作客，现排榜尾实力唔係想像中咁差，睇番佢哋对上10场自由盃主场攞到7胜3和，包括赢过河床、明尼路及彭美拉斯等劲旅，威斯特曼主场受让可捧。
（周四早上6时15分开赛）
同组杜利马主场斗小保加，上届亚军小保加领先杜利马3分，和波冇坏；杜利马近8场有6次与对手半场未分胜负，半场和值得再追。最后A组国际体育会都係连踢3场主场嘅得益者，佢哋手执10分已肯定出线，今场作客让波制唔过，捧利马联让球主胜。
