等入季后赛唔会搏尽
澳职最后一轮常规赛，今日先有场独脚戏由墨尔本城主场斗中岸水手。墨城现时仅馀数字上机会争做常规赛5哥，更何况无论以第5或第6名进身季后赛，基本上分别唔大，倒不如留力应付季后赛好过，两队係现时澳职入波最少嗰两队，中位数3.5球嘅细盘捧得过。
（myTV Gold302、Now 639、有线615及655台周五下午5时50分直播）
随着阿德莱德联寻日以5比3反胜布里斯班狮吼，澳职常规赛前4排名已告尘埃落定，现时唯一未确定係边队可以攞到常规赛第5名。排第6嘅墨城现时以3分落后威灵顿凤凰，得失球差亦落后6球，墨城如想做5哥，除咗要今场大胜水手，仲要寄望凤凰喺最后一仗大败畀珀斯光辉，不过有一点要留意，无论以第5名或第6名身份晋级，季后赛首圈都冇主场之利，唯一分别只係对手唔同。
墨城今季常规赛各斗3哥墨尔本胜利及4哥阿德莱德联3次，同样攞到1胜2和不败成绩，所以对墨城嚟讲最终排名唔算太重要，最紧要係唔好增添无谓伤兵、影响季后赛调动，今场会否搏尽真係好成疑问。
水手积弱入球能力低
连同今季在内，水手已经连续5季无法进身季后赛，其中更有3次排包尾，积弱绝非一朝一夕，不过水手近6场联赛作客只有1次淨输2球或以上，5次总入球开3球或以下，而且佢哋对上3次作客墨城都係仅输1粒，形势并非一面倒。墨城、水手係今季常规赛入波最少两队，弱弱对碰预计入波唔会多，大细中位数有3.5球，波童建议捧细盘。
