勐人伤愈强攻雷恩
法国足总盃周日凌晨上演终极决赛，雷恩于中立场圣丹尼法国球场挑战巴黎圣日耳门（PSG）。PSG伤兵尼马、卡云尼及迪马利亚皆已康复，为争取5连霸必精锐尽出强攻对手；两军过去7次交锋共炮製32球，6次总入球达4球或以上，波童建议捧3.5球入球大。
（myTV Gold 302、Now 639、有线615及655台周日凌晨3时直播）
对于上季包揽国内三大锦标嘅PSG嚟讲，今季失落法联盃已经算退步咗，所以佢哋对法足盃可以讲係志在必得。PSG上周凭基利安麦巴比连中三元，主场以3比1击败摩纳哥，正式宣布联赛衞冕成功，而且PSG球迷最开心係见到几名伤兵，包括尼马、卡云尼同达斯拿都已伤愈后备落场，另一中场迪马利亚亦已在后备席候命，以上数人相信今场都可回归正选名单，大有不胜无归之势。
对赛入波例多
不过，雷恩今季喺盃赛表现唔错，法联盃、欧霸盃分别杀入8强同16强，法足盃亦先后淘汰里尔、里昂两支联赛前列强队，喺一场过嘅盃赛场合咩事都有可能发生，何况今场压力全喺PSG身上，雷恩冇包袱可以踢得更放。
睇番两军近年对赛经常出现大手交易，近7次碰头雷恩虽然输咗6次，但当中只有1次冇入波，唔会因为对手财雄势大、实力超班而刻意死守，PSG今场让两球，即要淨胜3球先开上盘，波童建议转捧中位数3.5球嘅入球大仲稳阵。
