英超争标够激，护级一样咁好睇。两支为争留级嘅球队卡迪夫城同白礼顿，今晚一前一后出场，卡迪夫城将会作客已降班嘅富咸，白礼顿则于主场迎战「喜鹊」纽卡素。现时形势排尾4嘅白礼顿比尾3卡迪夫城多3分，联赛仅馀3轮表面上好似比较安全，弊在白礼顿近7场赛事一球都未入过，以投注角度，单凭「护级斗志」几个字，好难有捧场嘅说服力，相反无欲无求嘅纽卡素有得受让，梗係拣「喜鹊」让球客胜。
（Now 621周日凌晨零时30分直播）
「海鸥」白礼顿季初一度係英超盘王，长买长有，但自歇冬后急转直下，踏入3月底战绩更加不堪入目，连同足总盃在内，近7仗只得1和6负，最弊係全部零入球。相反作客嘅纽卡素近两场接连击败李斯特城同修咸顿，全取6分宣告护级成功，个势咁靓，对住唔识入波嘅白礼顿，受让抵玩。
卡城护级焗攻大闹富咸
至于较早时间开波嘅富咸对卡迪夫城，卡迪夫城馀下赛程仲有主场对水晶宫同作客曼联。相比之下今场可以话较易踢，为护级必定照抢攻，但笃定降班嘅富咸近期反而踢得更放，成功取得季内首次两连胜，加上两军交手例牌斗攻，近8次交手，全部都係双方都有入波，不妨玩吓2.5球入球大。
（Now 621周六晚10时直播）
