让唔起明尼苏达联

新一季美职听朝开锣，今季增加2支新球队，分别係明尼苏达联同阿特兰大联，球队总数增至22队，非常热闹。「新丁」明尼苏达联率先喺揭幕战登场，作客波特兰伐木者。「明联」首度加入美职，球队上下充满期待，斗心肯定强，随时带来惊喜。相反波特兰伐木者表现慢热，过去4季首场联赛只得1胜3和，主场让波制唔过，宁博明尼苏达联让球客胜。 （TVB 303周六早上10时30分直播） 明尼苏达联係美职新丁，亦冇球星助阵，讲经验的确唔及主队，但胜在教练夏夫有级数，呢位56岁英格兰名宿，球员时代曾效力史笃城、爱华顿、爱斯宾奴、阿士东维拉、曼城等着名球队，见惯大场面，正好弥补「明联」经验不足嘅弱点。 新丁「明联」有老江湖掌舵 事实上，夏夫早于9年前已去美国教波，非常熟悉美职情况，佢上季执教奥兰多城，更以4比1大胜波特兰伐木者，对于应付伐木者，看来好有计。同埋明尼苏达联首次喺美职比赛，对手对佢哋了解有限，比较易製造爆冷赛果，德甲神奇球队RB莱比锡就係最佳例子，明尼苏达联或者可以创造另一个美丽童话。 另一边厢，波特兰伐木者上季只係排西岸第7位，冇份踢季后赛，实力好平庸。会方仲不思进取，今季并冇大事增兵，继续由42岁少帅波特执教。波特喺2013年开始执教伐木者，球队就患上「季初病」，近4季首场联赛只有1胜3和，唯一胜仗係上季以2比1险胜哥伦布机员，伐木者以上4仗都係主场比赛，睇得出佢哋就算有地利，都未必有着数，让波捧对家为妙。