潜艇上盘过关佳品

今晚虽然有荷乙、英冠同英甲快车赛事，但阿King就睇中咗西甲场独脚戏，由艾拉维斯主场对维拉利尔。艾拉维斯近期冇咗季初嘅气势，联赛表现有啲走下坡，加上有几位主力缺阵，面对近况回勇嘅「黄色潜艇」维拉利尔，就算有主场之利都难佔甜头，让球盘维拉利尔小让平半，阿King推介上盘。 (Now 632周二凌晨2时45分直播) 艾拉维斯係今季升班「新丁」，季初曾经作客赢过巴塞隆拿令球迷印象深刻，其后表现亦颇为平稳，甚少出现连场败北嘅情况。不过，艾拉维斯近期状态明显跌Watt，最近3场联赛输晒之馀仲1球都入唔到，明显陷入攻不锐守不稳嘅困境，加上后衞恩拿加里利亚同前锋鲁宾苏利奴继续唔出得，今仗要成功止跌难度甚高。 「黄色潜艇」维拉利尔现时排联赛第5，球队仍有机会争取打入前4参加来季欧联赛事，所以馀下赛事一定会搏尽。维拉利尔早前曾遭逢两连败嘅小低潮，幸好球队及时振作，近两场联赛皆顺利赢波重拾状态。「黄色潜艇」今仗仍有门将沙治奥阿辛祖、后衞鲁卡维拿同中场卓利舒夫因伤缺阵，但1月加盟嘅前锋阿祖安卢比斯连续两场联赛有波入，弗到冇朋友，今仗有望攻破态沉嘅艾拉维斯。 串斯特拉斯堡国民队 其馀赛事方面，法乙斯特拉斯堡正力争升班，球队近6仗主场录得5胜1负嘅成绩，面对上仗狂失6球嘅阿些斯奥，今仗有望再赢。（周二凌晨2时45分开赛）。而葡超国民队上仗打破连续14场未赢过嘅颓势，士气大振，主场有望击败近10仗客战输8场嘅摩里伦斯。 (周二凌晨3时开赛)