宾菲加恐德多蒙特上盘稳

另一场欧联16强次回合，首回落后一球嘅德甲球队多蒙特，回师主场迎战葡超宾菲加。「蜜蜂兵团」近况甚勇，近3仗赛事赢晒兼轰入咗12球，今仗只要淨胜对手宾菲加两球或以上就可以出线，以佢哋近期嘅火热状态，面对近3次欧联造访德甲球队全败嘅宾菲加，让球盘多蒙特让一球／球半，阿谦推介1.83倍嘅上盘。 （有线62及202台周四凌晨3时45分直播） 「蜜蜂」3连胜劲入12球 「蜜蜂兵团」首回合作客以0比1不敌宾菲加，当中主力射手奥巴美扬射失12码令球队未能同对手打和。不过，呢位加蓬队长好快重拾信心，喺上周对利华古逊及前周对弗赖堡嘅赛事都梅开二度助球队大胜。多蒙特喺呢3场赛事合共攻入12球，球队火力相当强劲，今仗赢1比0即博到加时再战，淨胜2球或以上就可以晋级，就算有中场马高列奥斯同马里奥葛斯因伤缺阵，相信都阻止唔到「蜜蜂兵团」反扑嘅决心。 宾菲加首回合虽然靠希腊前锋美度古嘅唯一入球击败多蒙特，但球队有严重嘅「恐德症」，最近3次欧联造访德甲球队都输波而回，作客面对急欲收复失地嘅多蒙特狂轰狂炸，相信都係凶多吉少，「蜜蜂兵团」让一球／球半都照捧上盘。