欧国外另一场大战，I组苏格兰主场挑战比利时。小组1哥比利时整体实力超班，尤其近期踢法抢缰，呢场为免夜长梦多照办煮碗，苏格兰根本难有力抵挡，一于捧比利时半场胜。（有线603及604台周二凌晨2时45分直播）
I组榜首嘅「欧洲红魔」虽有夏萨特兄弟缺阵，不过阵中好波之人依然多到十隻手指数唔晒。而最抢镜嘅肯定非奇云迪布尼莫属，呢位上季饱受伤患困扰嘅曼城中场，已经弗返晒，今季联赛为「蓝月亮」交出1入球5助攻嘅骄人成绩，表现势不可挡，仲将好状态带埋去国家队，上仗带领球队4比0大胜圣马力诺，计埋呢场波，比利时近5仗全部半场就取得领先优势，开波就围攻对手嘅场面可以话係比比皆是，加上有卢卡古同上仗梅开二度嘅巴舒亚伊两大前锋候命，比利时开局就有条件反客为主。
早前喺欧国联C1组抢得首名席位嘅苏格兰，已经锁定欧国盃附加赛资格，可算係为国家队赢得安全网，不过面对竞争激烈嘅欧国外赛事，战斗力明显不足，上仗主场就畀俄罗斯反胜2比1，加上首循环0比3不敌比利时，欧国外2连败士气低迷，呢场再遇比利时随时一开波就失守，推介半场客胜。
